Сатурн е планетата која симболично се нарекува учител во животот, онаа која ни покажува што треба да направиме за да го насочиме животот кон нови достигнувања. Со помош на оваа планета, можеме подобро да видиме како минатото влијае врз нашата сегашност. Сатурн ни ги дава лекциите што треба да ги совладаме за да растеме понатаму и ни помага да се соочиме со реалноста онаква каква што е.
Секој негов транзит носи можности за нови учења, а од 7 март 2023 година до 14 февруари 2026 година Сатурн ќе се движи низ Рибите, последниот знак на Зодијакот. Пред да почне да транзитира низ Овен, ќе мора да ги затвориме сите стари поглавја и да престанеме да ги игнорираме старите проблеми.
Ќе мора да се соочиме со последиците од нашите досегашни постапки. Тоа ќе биде неопходно за да му ставиме крај на минатото и да изградиме подобар живот.
Енергијата на Сатурн ќе ни помогне и да сфатиме што треба да смениме во иднина за да не ги повториме истите грешки. Освен тоа, ќе откриеме и одредени тајни; она што долго време скриено полека ќе излезе на површина и конечно ќе сфатиме зошто нешто се случило и зошто морало да биде токму како што било.
