Без вода и струја денеска пола Скопје

loading...

Без вода за пиење вечер од 20 часот до завршување на работата ќе останат делови од Аеродром и Ново Лисиче (висока зона – станбените објекти над петти кат), Припор, Сопиште, Ракотинци и Добри Дол, како и дел од Кисела Вода на ул. „Христо Татарчев“ крак 1-11, крак 2, Сервисна Зона Југ, дел од бул. „Борис Трајковски“ и дел од бул. „Србија“ (од новиот кружен тек до бул. „Борис Трајковски“), соопштија од ЈП „Водовод и канализација – Скопје“.

Прекинот на водоснабдувањето е поради реконструкција на водоводна линија сo пречник 700 мм, што ќе се изведува кај новиот кружен тек меѓу ул. „Христо Татарчев“ и бул.„Србија“ (последна 24-ка).

Планската проекција на ЈП „Водовод и канализација – Скопје“, посочуваат оттаму, е дека работните активности би требало да завршат во период од 12 до 18 часа, што значи дека нормално водоснабдување на корисниците би добиле утре во периодот од 8 до 14 часот.

Бидејки ќе се работи во текот на ноќта ЈП „Водовод и канализација – Скопје“ за жителите од наведените населени места ќе обезбеди цистерни со питка вода. Исто така, од Јавното претпријатие информираат дека уличните чешми во населбите Аеродром и Ново Лисиче непречено ќе функционираат, информираат од ЈП „Водовод и канализација“.

Поради технички зафати во дистрибутивната електро мрежа денеска без електрична енергија пак ќе останат дел од корисниците од општина Бутел, Илинден, Центар и Студеничани.

Од 07,50 до 11,30 без електрична енергија ќе бидат дел од корисниците од Визбеговово општина Бутел, од 8,00 до 10,00 часот фирмите Гама Инвест, Рио Кафе и Дени Интернационал во општина Илинден, од 9,00 до 14,00 часот објектите во близина на „Школката„ во Градскот Парк, тенискиот терен Југ и Езерце во општина Центар и од 8,30 до 15,00 часот дел од ул. 3 во село Студеничани.