Цеца ќе фрли брдо пари: Вељко отвора сопствен бизнис на село, поучен од семејството на Богдана ќе прави цело богатство

ИЗВОРСкопје24
|

Младиот боксер и син на фолк-ѕвездата Цеца Ражнатовиќ, Вељко, на 3 јуни годинава стана татко. Иако има само 23 години, оваа важна улога во животот ја прифати со голема радост и ужива во првите денови од родителството.

Тетка ми Лидија има четири деца, сите се помлади од мене, особено близнаците, така што познати ми се сите обврски околу бебето. Сите што немаат деца – ќе видат кога ќе имаат, некако, тоа е само твое, кифла твоја… Едвај чекаш да го правиш сето тоа и ништо не се споредува со тие обврски“, изјави тој неодамна.

Покрај боксот, Вељко Ражнатовиќ ќе се обиде и во земјоделието. Наследникот на Цеца Ражнатовиќ и Аркан, започнува свој бизнис – одгледува свињи на имотот во Тител, од каде е и неговата сопруга Богдана Ражнатовиќ, која ќе игра значајна улога во овој бизнис.

Иако е успешен во спортот, Ражнатовиќ не сака тоа да биде негово единствено занимање. Во исто време, тој е свесен за состојбата во целиот свет, а особено дека спортот речиси запрел поради здравствената криза и дека сè е неизвесно.

Освен тоа, иако и двајцата се од имотни семејства, ниту Вељко ниту Богдана не сакаат да зависат од нивните родители и да ги трошат нивните пари, туку да бидат самостојни.

Затоа, тој ги зеде работите во свои раце и откако се консултираше со своите најблиски, одлучи да започне приватен бизнис.

Вељко е многу сериозен во својата намера и веќе започна со истражување, читање стручна литература за сточарство и свињарство, прегледување на потребната опрема, консултации со експерти и во блиска иднина ќе започне со работа на семејната фарма.

Тој е свесен дека мора да вложи многу пари во опрема, но она што за него е олеснителна околност е што тој има одлична локација за тоа.

Вељко го видел потенцијалот на величествениот имот во Тител, кој го добил како мираз од родителите на Богдана, па решил да го искористи на вистински начин.

Ражнатовиќ најверојатно ќе започне со најлесната работа – одгледување на свињи за гоење, што се препорачува за почетници. Ако тоа го направи добро, во меѓувреме би можел да продолжи со одгледување прасиња, но и да сее, па тогаш ќе направи вистинска специјализирана фарма за многу поширок пазар.

Освен тоа што тој планира да продава свежо месо, вредниот Ражнатовиќ ќе произведува и деликатесни производи – печеница, проскето, но и сланина и колбаси, а тој ќе има своја пушница во која ќе го суши месото.

Тител има одличен квалитет на воздухот, што е добро за добитокот, особено за свињите, за кои е важен кислородот, затоа што тие го консумираат, но и многу го загадуваат.

Богдана ќе му помогне на Вељко за овој бизнис, како што им помогаше на нејзините родители, кои се занимаваат со одгледување пилешко, најпрвин како продавачка на пазарот, а кога ги заврши финансиите во Бизнис школата, ја подготвуваше документацијата.

Таа ќе може да води книги и да се обучува во бизнисот, што е многу важно за Ражнатовиќ затоа што ќе има на таа позиција жена од доверба.