ЦРНА ГОРА НЕМА ДА ИЗБИРА ПРЕТСТАВНИК ЗА ЕВРОВИЗИЈА 2020

ИЗВОРСкопје24
|

Црна Гора нема да учествува на изборот за песна на Евровизија 2020, што ќе се одржи во Ротердам, Холандија, наведува ESC Today, повикувајќи се на РТЦГ.

Наводно, Црна Гора го пропуштиле рокот да потврдат дали и оваа година ќе учествуваат, потоа им бил даден дополнителен рок, но на крај сепак, тоа нема да се случи.

Од РТЦГ навеле дека направиле сè што е во нивна моќ да ја финализираат апликацијата за учество, но нештата не оделе како што тие планирале.

Црна Гора како самостојна република дебитираше на Евровизија 2007, во Хелсинки. Оттогаш учествувале неколкупати, немаат освоено значаен пласман, а често и „прескокнуваат“ и по неколку години до следно учество.

На Евровизија 2019 се претставија со песната „Heaven“ на бендот Д-Мол.