Детална анализа на времето за следните денови: Продолжува нестабилното време со подпросечни температури

ИЗВОРСкопје24
|

До крајот на денов, времето во државава ќе биде променливо облачно со повремен локален дожд. Локално ќе има услови за развој на нестабилност проследена со пороен дожд, грмежи, засилување на ветерот и услови за ретка појава на град.

Особено долж Повардарието ќе дува умерен, повремено засилен ветер од северен правец. Максималните дневни температури на воздухот ќе се искачуваат во интервалот од 16 до 24 степени.

Во Скопје и околината времето ќе биде променливо облачно со услови за повремен локален дожд и ретки грмежи. Ќе дува умерен ветер од северен правец, истиот повремено ќе засилува, максималната дневна температура се очекува да се искачи до околу 20 степени.

И во текот на следните денови ќе се задржи променливо облачно време со повремени локални врнежи од дожд. Локално ќе има услови за развој на нестабилна облачност проследена со пороен дожд, грмежи, засилување на ветерот и услови за локална појава на град.

Температурите на воздухот и понатаму ќе бидат под просекот и ќе се искачуваат во интервалот претежно од 16 до 24 степени.

Подготви: Славчо Попоски