Емитување на концертот на отворено „Ну Погоди“ на Македонската филхармонија

ИЗВОРСкопје24
|

Минатогодишниот концерт на отворено „Ну Погоди“ на кој оркестарот на Македонската филхармонија ги свиреше познатите теми од култните цртани филмови вечерва во 23 часот ќе биде емитуван на Канал 5 телевизија, соопшти попладнево Град Скопје.

Станува збор за теми од цртаните филмови од земјите од Источниот блок кои го одбележаа детството на генерациите од 70-те и 80-те години.

Во аранжман на Владимир Николов и под дирегентската палка на Џијан Емин, на концертот беа свирени теми од цртаните Балтазар, Мечето Ушко, Козле Бозле, Ну Погоди и многу други.

Концертот беше одржан на 23 јуни лани во Градскиот парк, во реализирација на МКЦ – Скопје и со поддршка на Град Скопје во рамки на серијалот „Филхармонија на отворено“.