Која е разликата помеѓу хотел со 4 и хотел со 5 ѕвезди?

ИЗВОРСкопје24
|

Ако размислувате дали да резервирате хотел со четири или хотел со пет ѕвезди, разликите не се големи.

Во светот не постои стандарден рејтинг за хотелите. Секоја компанија си има свои критериуми за оценување на различни хотели. Но, кога резервирате хотел со пет ѕвезди, тогаш би требало да добиете нешто повеќе и за мала нијанса подобра услуга.

Овде станува збор за подобра храна, спа-центри и клубови со целосна услуга. Персоналот на хотелот треба да е секогаш достапен. Собите обично имаат голема бања во која можете да очекувате да најдете производи за лична нега и хигиена со врвен квалитет.

Одморалиштата со пет ѕвезди би требало да имаат и разни игралишта како на пример терени за голф, тениски центри, културни активности, анимација за најмладите, продавници и сл.

Кога резервирате хотел, имајте на ум каде ќе го поминете поголемиот дел од времето. Ако имате желба да ја истражувате областа што ја посетувате и нема да поминете голем дел од вашето време во хотелот, тогаш најпаметно е да изберете хотел со помалку ѕвезди.