Кровот на ГТЦ го демолирал газда на скопски хотел

ИЗВОРСкопје24
|

Лицето кое синоќа го демолираше зелениот покрив на Градскиот трговски центар (ГТЦ) во Скопје е газда на хотел кој се наоѓа во трговскиот. Вработени во ГТЦ за САКАМДАКАЖАМ.МК велат дека откако ги виделе снимките од безбедносните камери веднаш го препознале сторителот.

„Сопственик на хотел е лицето кое кршеше и уништуваше инсталации. Со ова лице извесно време имаме проблеми. Бараше од нас да му дозволиме градината која ја правиме да ја користи како тераса за неговиот објект. Хотелот веќе неколку месеци не работи, па сакаше да го пренамени во угостителски објект и дел од зелената градина да му биде летна тераса. Нормално дека не му дозволивме бидејќи овој дел од ГТЦ го правиме за сите граѓани, како место за рекреација и слободен влез за секого“, велат вработени во трговскиот центар.

Gepostet von Петре Шилегов am Freitag, 30. August 2019

Од ГТЦ велат дека снимките од безбедносните камери ќе се предадат на Министерството за внатрешни работи.

Од Град Скопје велат дека и покрај уништувањето на дел од инсталациите, градежните работи ќе продолжат и скопјани есенва ќе добијат зелен покрив на трговскиот центар.

Извор: Сакам да кажам