Македонецот чиј ментор е Карлеуша во „Ѕвездите на Гранд“ добива непристојни коментари поради една фотографија со Јелена

ИЗВОРСкопје24
|

Во најновата сезона на „Ѕвездите на Гранд“ има неколкумина македонски кандидати кои успеаја да поминат во вториот круг. Секој од нив е посебен на свој начин, но, 21 годишниот скопјанец Филип Пецовски, кога е во прашање енергијата на сцената на овој популарен регионален музички натпревар, остави најголем впечаток, како кај публиката така и кај жирито.

Највоодушевена од него како натпреварувач, беше пејачката Јелена Карлеуша, која тој ја избра да биде негов ментор, а во една од емисиите таа за нашиот Филип изјави:

„Она што го прави поразличен од чистиот шоумен е тоа што убаво пее и што има убава емоција. Тоа е ретко, јас такво нешто никогаш немам видено. Те одбрав тебе, затоа што таков како тебе на балканската сцена не постои. Знаеш дека мислам дека македонскиот јазик е секси“ истакна Јелена.

На неговиот Инстаграм профил може да се погледнат нивни заеднички фотографии, но меѓу многуте позитивни коментари и пофалби, како и секогаш мора да се појават и „хејтерите“ кои на заедничката фотографија на Филип со Јелена му напишаа непристојни коментари:

„Имаш ти некои голи слики од Карлешуа, дај да исплакнеме очи“; „Не објавувај фотографии додека не ги фотошопира, те молам“, гласи друг коментар, но се јавија и такви во одбрана.

„Ти препорачувам да го избришеш коментарот. Бидејќи Јелена му е ментор, можеш да му направиш непотребен проблем“, пишува друг фан на Филип и Јелена.

„Хејтерите“ ги имало и ќе ги има, а јасно е дека меѓу повеќето наши успешни претставници во „Ѕвездите на Гранд“, младиот Филип е на добар пат да дотурка до финалните емисии.