МАРКО ПЛИВА КОН СВ. НАУМ- МАЛИОТ ХЕРОЈ СЕ БОРИ СО ВЕТРОТ И БРАНОТ (ФОТО)

ИЗВОРСкопје24
|

Младиот тринаесет годишен херој од Охрид Марко Пејчиновски веќе ги исплива првите 8 километри Марко за 2 часа и 49 минути, од вкупно 64 километри, пишува Охридњуз.

Марко го минува Пештани и плива кон првата цел од соло маратонот Св. Наум..

Вечерта донесе бранови и ветер кој му го отежнуваат пливањето на младиот борец Марко.

На почетокот времето му послужи на Марко, но ветрот кој сега дува од јужен правец со брзина од 9 км/час му го отежнува пливањето.

Како што е познато Марко ќе се обиде да го исплива таканаречениот триаголник Охрид – Св. Наум – Струга – Охрид, а подвигот го посветува на лицата со ретки болести.

Малиот Марко со маратонот започна во 15 часот со старт од Градското пристаниште во Охрид. Предвидено е кружната патека преку езерото да ја заокружи утревечер на истото место.

Минатата година истиот Марко, успеа да се вброи во листата на легендите на пливачкиот маратон откако за околу девет часа го преплива Охридското Езеро од Свети Наум до Охрид. Тој е најмладиот пливач, кој ја препливал таа делница. Инаку Марко и самиот се соочува со здравствени проблеми, односно има доживеано инфаркт на коска на долните екстремитети.

За престојниот маратон Марко и неговиот тим изработија и маички во бела и црна боја што се продаваат по цена од 300 денари, а целиот приход собран од продажбата е наменет за помош на лицата со ретки болести.

За минатогодишниот подвиг Марко ја доби Свети Климентовата повелба – највисоко признание што го доделува Општина Охрид, како и „Златна Буба Мара на популарноста“.