|
Аргентина се пласираше во финалето на Светското првенство во Катар. Сега и самиот Лионел Меси го потврди она што веќе подолго време кружи низ медиумите.
Тој во изјава за аргентинските медиуми по натпреварот, поточно Диарио Депортиво Оле, потврди дека финалниот меч ќе биде последен во неговата кариера на СП, како и последна шанса да ја освои светската титула со „гаучосите“.
„Многу сум среќен што можам да го постигнам ова, да го завршам моето патување кон Светското првенство играјќи го мојот последен натпревар во финалето“, рече Меси, а потоа додаде:
„До следниот шампионат има многу години и мислам дека нема да можам да играм тогаш. Најдобро е да заврши вака.“
