МОРА ДА СЕ ЗНАЕ: При замена на гума, ова правило мора да се почитува

ИЗВОРСкопје24
|

Замената на гумите секогаш знае да претставува сериозен предизвик и затоа е добро да се знаат одредени работи околу менувањето. Постои правило за кое е препорачано да се почитува при замената на тркалото на автомобил и кое често се заборава дури и од професионални вулканизери.

Тоа едноставно треба да биде запомнето. Препораката е од германските експерти од TUV, кои советуваат како да се монтираат гуми и бандажи на автомобилот.

Се препорачува штрафовите (во зависност од моделот) да се стегаат по точно определен ред. Кога се работи за тркало со четири штрафа тогаш редот е следниот: 1-3-4-2. Кога има пет штрафа: 1-4-2-5-3, додека со шест штрафа треба да се оди по следниот редослед: 1-4-5-2-3-6.

Ако овој принцип на монтирање и стегање не се почитува тогаш ризикувате тркалото да застане во неправилна положба и да биде накриво поставено што причинува неправилно движење на автомобилот на патот. Броењето може да почне од која било од дупките, но е важно да се почитува методиката опишана погоре.

ВНИМАТЕЛНО СЛУШАЈТЕ: Овие звуци од автомобилот можат да бидат опасни

Звукот кој го произведуваат автомобилите некогаш беше доволен за возачите да одредат за каков дефект станува збор. Тие времиња кога возачите по слух знаеја што му е на автомобилот заминаа неповратно.

Денес автомобилите се поинакви, а зад воланот често седат возачи кои не се така технички потковани. Кога нешто не чини тогаш веднаш се оди на сервис, но доколку немаме пари тогаш продолжуваме напред.

Последното може да биде доста погубно и многу поскапо од сите очекувања. Има неколку странични звуци кои автомобилот ги испушта и кои е добро да се знае што значат.

Eлeктрoнски писок

Доколку при стартување на автомобилот, уште кога системот е на „контакт“ слушнете непознат електронски писок тогаш треба да знаете дека времето, кога автомобилот ќе откаже да запали е доста близу. Тој проблем треба да се отстрани во сервис, но практично не е толку застрашувачки, како другите кои се опишани подолу.

Шуштење

Автомобилот не е чајник, но и тој може да прокува. Користените возила често страдаат од системите за ладење на моторот. Тоа може да биде констатирано од шум, кој претставува шуштење од празнењето на моторот, често проследен со пареа. Преглед на ладнилникот и соединенијата на системот треба да биде направен веднаш бидејќи во спротивен случај може да дојде до прегревање и искливување на главата на цилиндарот поради што ќе биде потребен ремонт, а тој не е сосема евтин.

Cвирeњe

Ова е звук, сличен на оние од судиите на спортските натпревари и често е знак за дефект на некој од механизмите за дистрибуција на плин. Може да се должи на истрошеност на некој од ремените. Исто така задолжително треба да се провери бидејќи ако пробелмот е поврзан со запчаниците или со некој од соседните валјаци, може да се стигне и до основен ремонт на моторот. Исто така треба да се обрне внимание и на свирење од турбо компресорот, но најопасно е свирењето од некое од тркалата. Таму проблемот може да биде поврзан со механизмот за сопирање или почесто со лагерите на глaвите. При блокада на главниот лагер за време на движење нештата можат да излезат од контрола.

Штракање

Овој звук е присутен најмногу при повреда на употребувани автомобили со систем 4х4 и доаѓа од запчаникот или од задниот диференцијал. Истрошеното забно тркало кај редукторот испушта доста непријатни шумови диру и при ниска брзина, но со сличен шум можете да стигнете до возење до сервиз. Сепак, во никој случај не го игнорирајте. Слично штракање може да се појави и од менувачот.

СОВЕТ:

Секој не може да ја определи неисправноста на автомобилот според звукот, затоа советот е што слушнете чудни звуци, кои ги испушта вашиот автомобил, тогаш веднаш обидете се да дознаете од каде се или побарајте помош од експерт. На тој начин ќе избегнете доста скапи ремонти, а во многу случаи и несреќи кои се предизвикани од неисправноста на вашиот автомобил.