Не ги игнорирајте: Овие симптоми укажуваат дека бубрезите не работат правилно

ИЗВОРСкопје24
|

Секојдневно нашето тело извршува многу функции, а нашиот динамичен живот, како и лошите навики, понекогаш го попречуваат во правилната работа.

Кога нешто не е во ред, телото ни испраќа пораки преку знаци кои не треба да ги занемаруваме.

Секој дел од телото е поврзан со некои симптоми, а кога ќе се соберат повеќе одеднаш, треба да преземете нешто.

Па така, доколку имате проблем со повеќе од следните работи, тоа би можело да значи дека бубрезите не работат правилно и дека треба да се проверите.

Телото на човекот е одличен систем кој функционира само ако сите органи работат совршено. Ако некој орган од телото не функционира правилно, се јавуваат одредени здравствени проблеми. Дознајте кои симптоми и знаци укажуваат на оштетување на бубрезите.

Замор и отоци

Ако чувствувате слабост и голем замор тоа може да е знак за намалено лачење на хормонот еритропоетин со чија помош се формираат црвени крвни зрнца кои носат кислород до клетките. Намалениот број на црвени крвни зрнца значи и намален пренос на кислород до клетките, а тоа предизвикува слабост и голем замор. Кога бубрезите не ја извршуваат правилно својата функција како филтри на крвта, вишокот вода наместо да се исфрла се насобира во телото предизвикувајќи отоци во рацете, стапалата, глуждовите или лицето.

Осип на кожата, чешање, гадење и повраќање

Оштетените бубрези не ја филтрираат крвта правилно, па штетните материи се насобираат во крвта и можат да предизвикаат чешање и осип на кожата како и гадење и повраќање.

Лош здив и метален вкус во устата – Како резултат на бубрежно заболување може да се зголеми нивото на уреа во крвта, а тоа вообичаено предизвикува лош здив и метален вкус во устата.

Болка во грбот или слабините

Одредени проблеми со бубрезите може да предизвикаат болка во грбот или слабините. Ваквата болка најчесто е поврзана со камен во бубрегот, но може да е знак и за полицистичната бубрежна болест која е наследна и предизвикува бубрежни цисти. Хроничното воспаление на бешиката предизвикува хронична болка и непријатност.

Проблеми со сонот

Кога бубрезите не работат правилно, значи дека токсините не можат да излезат од телото преку урината и остануваат во крвта. Зголеменото ниво на токсини предизвикува тешко заспивање.

Губење здив

Врската помеѓу проблеми со бубрезите и соочување со губење воздух, посебно доколку не сте замориле со ништо посебно, може да зависи од две работи. Прво, вишокот течности се движи кон белите дробови кога бубрезите не работат правилно. Второ, анемијата го лишува телото од кислород и ова резултира со губење здив.