Иако законските измени поминаа во Собранието, сепак болните од цистична фиброза чекаат за лек и животот го ставаат на коцка.
Игор Пехчевски е еден од пациентите кој, иако прв информираше за лекот и го побара од болничкиот кревет, се уште не го доби лекот Трикафта. Тој постојано преку социјалните мрежи апелира за еднаквост на сите пациенти болни од цистична фиброза, затоа што животот е ист за сите и сите имаат право на лек и живот.
Сега Игор повторно ги потсетува надлежните и премиерот Ковачевски на нивното ветување дека лекот ќе го добијат сите по изгласувањето на законските регулативи, но лекот сепак го нема.
– Порака до надлежните ❗️ Она што ние болните од Цистична фиброза го бараме е еднаков, недискриминирачки третман. Право на ЛЕК и право на ЖИВОТ❗️
Овозможете ни го лекот ТРИКАФТА кој за мене и за останатите 80 мои соборци со генот делта F508 (F508del) кои ЖИВОТ значи. Животот ни зависии од лекот.
Со недонесување на лекот ни го ускратувате секој миг, секој момент од животот, ни ги усратувате нашите физички активности кои веќе и не сме во можност да ги извршуваме. Секојдневно живееме во страв и неизвесност за нашата иднина…
Го потсетувам Премиерот кој во неговата изјава кажа дека по изгласувањетот на законските измени во собранието лекот Трикафта ќе биде достапен за СИТЕ на кои им е потребен.
Почитуван премиере постапете ВЕДНАШ и СЕГА за да не биде ПРЕДОЦНА за секој еден од нас❗️, напиша тој на Фејсбук.
