Силниот дожд кој зафати делови од Турција предизвика поплави, во кои животот го загуби најмалку едно лице.
Поплави се случија во градовите Адијаман, кој беше уништен од разорните земјотреси на почетокот на февруари, и Шанлиурфа, каде секојдневниот живот е загрозен.
📌#Şanlıurfa'da yaşanan sağanak yağış sonrası sel oldu. pic.twitter.com/NOm4wRZgla
— 23 DERECE (@yirmiucderece) March 15, 2023
Според турските медиуми, најмалку три лица се водат како исчезнати во Адијаман, а шест во Шанлиурфа, додека спасувачите и нуркачите трагаат по нив.
„Има извештаи за исчезнати лица, но не можеме да ги потврдиме. Нашите екипи се обидуваат да стигнат таму со брод. Временските услови не се поволни за лет со хеликоптер“, изјави градоначалникот на Шанлиурфа.
#Şanlıurfa tarihinin en büyük yağmuruna teslim olmuş durumda. Bu yaşıma kadar böyle bir şey görmedim. Zorunlu olmadıkça dışarı çıkmayın. Allah yardımcımız olsun 🤲 pic.twitter.com/WNfUPbc16k
— Şanlıurfa (@sanli_urfa63) March 15, 2023
На видеата кои кружат на социјалните мрежи може да се види како водата поплавила куќи и згради, возила се заробени, додека поројот носи се пред себе.
Медиумите јавуваат дека дождот паѓа од вчера, додека метеоролозите предупредуваат дека денеска ги чека најтешкиот ден.
