Се поплави плоштадот во Охрид, хидролозите уверуваат дека нема опасност за излевање на големите реки

ИЗВОРСкопје24
|

Продолжуваат поројните дождови низ Македонија. Хидролозите уверуваат дека нема опасност за излевање на големите реки, но тоа е можно кај тие со помали корита.

Атанас Угрински, хидролог од УХМР за Сител вели дека во следните денови се очекува на некои места да наврне и до 30 литри на метар квадратен.

-Ваквите врнежи од дожд не би требало да претставуваат опасност од излевање на поголемите реки низ земјава зашто водостоите се прилично ниски, карактеристични за овој дел од годината. Тие се движат некаде во просекот за месец август. Ваквиот тип на врнежи единствено би можеле да претставуваат опасност за помалите реки и суводолици со помали сливни површини кои немаат капацитет за толку кратко време да примат толкави количини на врнежи и кај кои за доста брзо време се формира истекувањето, вели Угриновски, појаснувајќи во вакви случаи можно е рапидно зголемување нивниот водостој, а не е исклучена можноста за појава на слаби локални излевања.

Во меѓувреме на социјалните мрежи се појави видео на кое се гледа дека плоштадот во Охрид е поплавен како последица на поројните дождови кои денеска го зафатија тој град.

Поројни дождови се очекуваат до крајот на оваа недела, по што ќе следува стабилизација и зголемување на температурите.
Вчера Скопје го зафати големо невреме проследено со пороен дожд, град со голема на орев и силнен ветер.

Невремето 40-тина минути го парализираше главниот град, но немаше посериозни штети, освен запушени шахти кои резултираа со поплавени улици во делови од градот и неколку паднати дрва.