Се роди прстенопашест лемур во скопската зоолошка градина

ИЗВОРСкопје24
|

Денеска во скопската зоолошка градина се роди бебе лемур, оваа вест ја споделија од зоолошката градина на фејсбук.
На фејсбук објавата стои:
Неделна радост во Скопје Зоо- Имаме бебе лемур
Прстенопашестите лемури се загрозен вид и во природата се останати само околу 2200-2400 лемури.
Нашата зоолошка е една од ретките каде што секоја година се раѓаат по неколку лемурчиња и со тоа работиме на продолжување на видот.

Колку за споредба, минатата година се роди едно лемурче по подолго време во зоолошката во Москва и тоа беше сензација со месеци низ цела Русија.
Очигледно, скопската топла клима, но и грижата за нив, се клучни да имаме најмногу бебиња од овој загрозен вид.
Заедно со сите вас, да ја покренеме свеста за овие прекрасни и уникатни животни од Мадагаскар.