Шехерезад и Онур го открија полот на бебето: „Господ знае колку го посакував ова“

ИЗВОРСкопје24
|

Бергузар Корел, актерка во Македонија попозната како Шехерзад од нејзината улога во „1001 ноќ“, пред два месеци објави дека го чека своето трето дете со сопругот Халит Ергенч кој е исто така нејзин колега, најпознат по улогата на Сулејман Величествениот.

Ова беше изненадување за сите затоа што пред околу една година таа се породи и го донесе на свет своето второ дете, поради што ја стави и кариерата на пауза, па во последните три години не ја гледавме во телевизиски проекти, а потоа, токму во моментот кога започна да снима нова серија, мораше да ја прекине бидејќи остана во блажена состојба.

„Не планиравме, но пресреќни сме“, рече таа во тоа време, а сега конечно го откриваат полот на бебето и со обожавателите.

„Бог знае дека многу го посакував ова. Нашето семејство, нашите најблиски пријатели, нашите најдобри пријатели, сите тие знаеја дека го сакаме ова. Да имаме големо семејство, да имаме здрави и среќни деца. Нека конечно пристигне девојчето“, напиша Бергузар, позирајќи покрај тортата украсена од девојчето одозгора.

Инаку, забавата за неа ја подготви една од нејзините најдобри пријатели која се погрижи за секој детањ. Фановите веднаш се придружија на честитките и најмногу пишуваа дека таа конечно добива женско засилување по два сина.

„Очигледно е дека сте среќни, прекрасно е кога има многу деца во куќата. Среќно“, е еден од коментарите.