СВАДБА СО 300 ГОСТИ ВО СТРУМИЦА: Си се веселеле за време на здравствена криза

|

СВР Струмица поднесе кривична пријава против Д.И.(57), А.И.(54) и Е.И.(26), сите од с.Банско, струмичко, поради постоење основи на сомнение за сторено кривично дело „непостапување според здравствените прописи за време на епиде*ија“.

На 28.02.2021, пријавените во с.Банско организирале свадбена веселба на Е.И., на која присуствувале околу 300 лица, со што постапиле спротивно на Одлуката на Влада за забрана за организирање на домашни групирања, свадби и други веселби.

Исто така полициски службеници од Полициското одделение Галате – СВР Тетово вчера во периодот од 20.30 до 21.30, извршиле контрола во угостителски објект во Врапчишко поле, во близина на автопатот Тетово – Гостивар кој е во сопственост Р.Б.(46) од Гостивар. При контролата било констатирано дека во објектот има музика во живо, танчерки, како и 11 гости.

„Во објектот биле затекнати пет женски лица, четири македонски државјанки и една бугарска државјанка кои работеле како танчерки и пејачки и едно машко лице кое работело како пејач. Сопственикот на објектот Р.Б. бил лишен од слобода по член 206 од Кривичниот законик, додека бугарската државјанка била лишена од слобода поради злоупотреба на туристичкиот престој“, вели портпаролот на СВР Тетово Марјан Јосифовски.

Објектот од страна на Државниот пазарен инспекторат бил затворен, а по целосно документирање и расчистување на случајот ќе бидат поднесени соодветни пријави, велат од СВР Тетово.