Тимот на „Медена земја“ се дружеше со Ди Каприо, Бред Пит, Тарантино…

ИЗВОРСкопје24
|

Американската Академијата за филмски уметности и науки објави групна фотографија на својот Твитер налог, на која се наоѓаат сите кои се номинирани за Оскар.

На фотографијата се наоѓат и нашиот тим од „Медена земја“ кој се дружеше со најголемите филмски ѕвезди Роберт де Ниро, Бред Пит, Квентин Тарантино и други.

„Да појаснам. Не стоев јас до него… Тој стои до мене. (Јас имам две номинации оваа година)“. Со овие зборови режисерката Тамара Котевска на „Фејсбук“ ги сподели фотографиите на кои стои до холивудската ѕвезда Леонардо ди Каприо. Фотографиите се од свеченоста во театарот „Долби“ во Лос Анџелес, десетина дена пред доделувањето на наградите „Оскар“.

Котевска заедно со режисерот Љубомир Стефанов, продуцентот Атанас Георгиев и кинематограферите Самир Љума и Феми Даут објавија селфи со легендите на Холивуд – Роберт де Ниро, Ал Пачино, Бред Пит, Леонардо ди Каприо, Квентин Тарантино и многу други.