Торта омилена на сите: Полна со ореви и фил

ИЗВОРскопје24
|

Ако размислувате каква торта да приготвите за слава или за роденден, еве идеја:

Состојки: За бисквитот
4 јајца; 100 г шеќер; 100 мл млеко; 200 г брашно; 100 г мелени ореви и 1 прашок за печиво

За филот: 4 јајца; 150 г шеќер; 100 г чоколадо и 250 г путер

За преливот: 100 мл сок

Приготвување: Изматете 4 јајца со 100 г шеќер, па додајте брашно со прашок за печиво. Додајте млеко и мелени ореви. Добро измешајте. Печете во плех на 200 степени Целзиусови околу 20 минути.

Оладете го бисквитот и пресечете го на пола. Останатите јајца изматете ги со шеќер и загревајте ги на пареа, да се згуснат. При крајот, додајте го чоколадото.

Оставете го да се олади. Изматете путер со малку шеќер во прав. Оладеното чоколадо додавајте го во путерот и мешајте. Може да додадете и 100 г мелени ореви, како и неколку капки рум. Прелејте ја тортата со сок, па премачкајте ја со половина од кремот.

Ставете ја другата половина одозгора, па премачкајте ја со другата половина од кремот. Украсете по желба, со сечкани ореви. Добро оладете ја и послужете.

Izvor: ubavinaizdravje.mk