Трета недела во болничките аптеки во земјава нема два типа инсулини. Нема ниту ленти, со кои пациентите ја следат состојбата на шеќерот во крвта. Засегнати се многумина, реагираат од здруженијата на дијабетичари.
Душко Игневски, претседател на тетовското здружение, вели дека проблемот не е нов, дека речиси секој месец има доцнење, но во тековниот месец февруари тој лично воопшто нема земено терапија.
ЈАС КАКО ШТО ДОБИВАМ СЕКОЈ МЕСЕЦ НА 6-ТИ, ДВА ПАТИ СУМ БИЛ НЕМААТ ДОБИЕНО, ДУРИ И НЕМААТ НИ НАЈАВА ДЕКА ЌЕ ДОБИЕМЕ. СЕКОЈ СО СЕКОГО, КОЈШТО ИМА ИНСУЛИН ПОЗАЈМУВАМЕ ПО ЕДНО ПЕНКАЛО ПО ДВЕ, СЕ ПОМАГАМЕ, НО НЕ Е ТОА ДОВОЛНО. ЌЕ МУ ПОЗАЈМИШ ПЕНКАЛО ЕДНО ДВЕ, А ПОСЛЕ ТРЕБА ТОЈ ДА ЈА ЗЕМЕ РЕДОВНАТА ТЕРАПИЈА ШТО ТРЕБА ДА ЈА ИМА СЕКОЈ МЕСЕЦ, А ЗА ЖАЛ ЈА НЕМАМЕ. ВО ОДНОС НА ДРУГИТЕ ГОДИНИ, ГОДИНАВА МИСЛАМ Е НАЈТЕШКА ДО СЕГА, ВЕЛИ ИГНЕВСКИ.
Од Сојузот на здруженија на дијабетичари бараат надлежните да ги променат бирократските процедури, за навреме да го добиваат пенкалото кое за нив живот значи.
НИЕ ТРЕТА НЕДЕЛА АПЕЛИРАМЕ, БАРАМЕ И ИНСИСТИРАМЕ ПО ИТНО МИНИСТЕРСТВОТО ЗА ЗДРАВСТВО И ВЛАДАТА ВЕЌЕ, ДА ГИ НАДМИНАТ БИРОКРАТСКИТЕ ПРОЦЕДУРИ И ДА СЕ ДИСТРИБУИРА КОЛИЧИНАТА КОЈА ШТО ТРЕБА ДО СЕКОЈ ПАЦИЕНТ. НЕ САМО ИНСУЛИНИ, ТУКУ И ЛЕНТИТЕ КОИШТО СЕ ИСТО ВАЖНИ ЗА ЛИЦАТА СО ДИЈАБЕТЕС ДА КВАЛИТЕТНО ДА МЕНАЏИРААТ СО ГЛИКЕМИИТЕ ОДНОСНО ДА БИДАТ РАБОТОСПОСОБНИ, ПОТЕНЦИРА ДИМЕ ВЕЛЕВ, ПРЕТСЕДАТЕЛ НА СОЈУЗ НА ЗДРУЖЕНИЈА НА ДИЈАБЕТИЧАРИ.
Од Министерството за здравство, пак, тврдат дека пациентите на инсулинска терапија се соодветно покриени.
СТАНУВА ЗБОР ЗА САМО ЕДЕН ТИП ИНСУЛИН ОД КОЈ НЕОДАМНА СЕ ПОТРОШЕНИ КОЛИЧИНИТЕ, НО ЗА ИСТИОТ ИНСУЛИН ИМА АНАЛОГ НА ТАА ГЕНЕРИКА, ТАКА ШТО ПАЦИЕНТИТЕ НА ИНСУЛИНСКА ТЕРАПИЈА СЕ СООДВЕТНО ПОКРИЕНИ СО АНАЛОГОТ. СИТЕ ДРУГИ ТИПОВИ ИНСУЛИН СЕ НА РАСПОЛАГАЊЕ ВО ДОВОЛНИ КОЛИЧИНИ ВО ИНСУЛИНСКИТЕ АПТЕКИ. ИСТО ТАКА, ВЕЌЕ Е РАСПИШАН ЈАВНИОТ ПОВИК ЗА ОБЕЗБЕДУВАЊЕ НОВИ КОЛИЧИНИ ИНСУЛИНСКА ТЕРАПИЈА, СООПШТУВААТ ОД МИНИСТЕРСТВОТО ЗА ЗДРАВСТВО.
Според последните податоци во земјава има 44 500 лица на инсулинска терапија. 600 се деца до 18 години.
Данијела Билбилоска
