УХМР: Натпросечно топло време за викендот

ИЗВОРСкопје24
|

Според УХМР и за време на викендот ќе продолжи стабилното и топло време. За утре прогнозата е умерен ветер, а долж Поварадарието повремено засилен ветер од северозападен правец.

Во деновите од викендот во утринските и претпладневните часови по одделни котлини ќе има услови за појава на магла и ниска облачност. Утринските температури на места ќе се спуштат под нулата, а дневните ќе бидат над просекот за овој период од годината. Топлото време ќе предизвика натамошно топење на снежната покривка на планините.

Утре минималната утринска температура ќе се движи од -3 до 3 степени, а максималната дневна ќе достигне 20 степени.

Во четврток дневната температура ќе биде максимум 19 степени,а во петок и сабота 20. Во недела ќе има постепено намалување, на 16 степени, додека за понеделник се прогнозираат максимални 14 степени.