Викендов посебен сообраќаен режим на повеќе улици во Скопје

ИЗВОРСкопје24
|

На 21.09.2019 (сабота) во времето од 09.00 до 13.00 часот, во организација на Амбасадата на САД, ќе се одржи трка со пречки под наслов „Трчам да се сеќавам“, со траса на движење од пред Амбасадата на САД до Градски стадион, и назад.

Од тие причини Одделението за безбедност на патниот сообраќај ќе преземе мерки за посебен режим на сообраќајот на дел од улицата „Лазар Личеноски“, од крстосницата со улицата „362“ до крстосницата со улицата „Самоилова“, при што сообраќајот ќе се пренасочува по околните сообраќајници.

За таа цел, МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива трката.

Исто така, на 22.09.2019 (недела) во времето од 11.00 до 14.30 часот, во организација на Велосипедската федерација на Македонија, ќе се одржи велосипедска трка насловена „Трофеј СКОПЈЕ 2019“, со траса на движење од улицата „Самоилова“ (Музеј на современа уметност), вдолж улицата „Лазар Личеноски“ (круг околу Скопско кале) до улицата „Самоилова“.

Од тие причини Одделението за безбедност на патниот сообраќај ќе преземе мерки за посебен режим на сообраќајот по горенаведените улици, при што сообраќајот ќе се пренасочува по околните сообраќајници. За таа цел, МВР апелира до Граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.