|
Нуркачите од Нуркачкиот центар АМФОРА од Охрид на атрактивен и за нив препознатлив начин по трет пат под вода го запалија традиционалниот василичарски оган кај музејот на вода, со кој ја најавија Старата, односно Православната Нова Година.
На богатата трпеза беа испечените колбаси и квалитетно македонско вино.
Со ова нуркачите од АМФОРА на православните христијани им ја честитаат Стара нова година и Василица како и престојните празници Богојавленије Водици и Св. Јован крстител -денот на рибарите.
За потсетување, тие исто така секоја година традиционално китат и новогодишна елка во водите на Охридското езеро, па така беше и оваа година, непосредно пред прославата на 31 декември.
