Страшна несреќа се случи денеска во Италија кога два воени авиони се судрија над Гвидонија Монтечелио, на речиси 35 километри североисточно од Рим, при што двајцата пилоти кои ги управуваа авионите ги загубија животите.
Едниот од лесните авиони се урна на земја во воздухопловната база Гвидонија, а другиот на паркиран автомобил на улица каде за среќа не направи поголема штета и избегната е и поголема трагедија бидејќи други повредени нема, јавуваат италијанските медиуми.
https://twitter.com/oldirtyronin/status/1633081245667082242?ref_src=twsrc%5Etfw%7Ctwcamp%5Etweetembed%7Ctwterm%5E1633081245667082242%7Ctwgr%5Ec8c4f9e5213c5ae1b07f80c2a2cd94850f03bd62%7Ctwcon%5Es1_&ref_url=https%3A%2F%2Fmakfax.com.mk%2Fsvet%2Fd0b2d0b8d0b4d0b5d0be-d182d0b5d188d0bad0b0-d0bdd0b5d181d180d0b5d19cd0b0-d0b2d0be-d0b8d182d0b0d0bbd0b8d198d0b0-d0b2d0be-d0b2d0bed0b7%2F
Полицијата и итната помош биле испратени веднаш на местото на настанот. Според првичните информации, во несреќата учествувале два стари воени авиона.
Двата ултралесни авиона „У-208“ му припаѓаат на 60-тото крило на италијанските воздухопловни сили. Како што се дознава, еден од двата авиона, користени за обука, удрил во автомобил паркиран недалеку од некои куќи, а другото возило паднало на ливада.
Авионите летале како дел од однапред испланирана мисија за обука, а причината за несреќата сè уште не е позната.
